საოჯახო დახმარების  გაცემა

საოჯახო დახმარების მიმღებია პირი, რომელსაც დახმარება 2007 წლის 1 იანვრამდე აქვს დანიშნული.

საოჯახო დახმარების მიღება შეუძლიათ იმ ოჯახებსაც, რომელთაც დახმარება 2007 წლის 1 იანვრამდე დაენიშნათ, მაგრამ შეჩერებული აქვთ სხვადასხვა მიზეზების გამო.

საოჯახო დახმარების მიმღები სხვადასხვა კატეგორიის პირები და სოციალური დახმარების ოდენობები:

მარტოხელა, არამომუშავე პენსიონერთა (მარტოხელა პენსიონერი - პენსიონერი ასაკით ან ინვალიდობით) ერთსულიანი ოჯახები - 22 ლარი, ხოლო არამომუშავე პენსიონერთა ორ და მეტსულიანი ოჯახები - 35 ლარი;

დედ-მამით ობოლი ბავშვები, მეურვის შრომისუნარიანობის მიუხედავად, ერთ პირზე - 22 ლარი;

შეზღუდული შესაძლებლობის მქონე არამომუშავე, პირველი ჯგუფის უსინათლოები, ერთ პირზე - 22 ლარი;

18 წლამდე ასაკის შეზღუდული შესაძლებლობის მქონე ბავშვები, ერთ პირზე - 22 ლარი;

მრავალშვილიანი ოჯახები, რომელთაც ჰყავს 7 ან მეტი 18 წლამდე ასაკის ბავშვები - 35 ლარი.