| |
სოციალური მომსახურების სააგენტოს ბავშვზე ზრუნვის სამსახურის ანგარიში არასამთავრობო ორგანიზაციებმა მოისმინეს  2009 წლის 25 ნოემბერს, სოციალური მომსახურების სააგენტოს ბავშვზე ზრუნვის სამსახურმა არასამთავრობო ორგანიზაციებს წარუდგინა ანგარიში 2009 წლის ოქტომბრის მდგომარეობით გაწეული საქმიანობის შესახებ.
შეხვედრა სოციალური მომსახურების სააგენტოს ძველი თბილისი - დიდგორის სოციალური მომსახურების ცენტრის ახალ სატრეინინგო დარბაზში შედგა, რომელიც მიგრაციის საერთაშორისო ორგანიზაციის IOM - ის მხარდაჭერით აღიჭურვა.
ბავშვზე ზრუნვის სამსახურის უფროსმა ქალბატონმა ეკა სანებლიძემ ისაუბრა მეურვეობა-მზრუნველობის სფეროში მიღწეული შედეგების, გამოწვევებისა და სამომავლო გეგმების შესახებ.
|
