პენსიის დანიშვნა

საქართველოს მოქალაქეს, რომელსაც დადგენილი აქვს მხოლოდ I ან II ჯგუფის შეზღუდული შესაძლებლობის სტატუსი ( გარდა ბავშვობიდან ინვალიდებისა და ომისა და სამხედრო ძალების ვეტერანებისა, რომელთაც III ჯგუფის შეზღუდული შესაძლებლობის სტატუსი აქვთ ),სახელმწიფო პენსიის დასანიშნად უნდა მიმართოს სოციალური მომსახურების სააგენტოს რაიონულ განყოფილებას, რეგისტრაციის ადგილის მიხედვით.

შეზღუდული შესაძლებლობის გამო პენსიის დანიშვნისათვის საჭირო დოკუმენტაციის ნუსხა:

18 წლის ასაკის ზევით შეზღუდული შესაძლებლობის გამო პენსიის დანიშვნისათვის:

Ø      განცხადება (სოციალური მომსახურების სააგენტოს რაიონული განყოფილების უფროსის სახელზე);

Ø      პირადობის მოწმობა,  ასლთან ერთად;

Ø      სამედიცინო დაწესებულების მიერ გაცემული სამედიცინო - სოციალური ექსპერტიზის  შემოწმების აქტის ამონაწერი ( დედანი ).

პენსიის ოდენობა: I ჯგუფი  - 80 ლარი, II და III ჯგუფი - 70 ლარი.

შეზღუდული შესაძლებლობის სტატუსის მქონე 18 წლის ასაკამდე პენსიის დანიშვნისათვის:

Ø      განცხადება - (სოციალური მომსახურების სააგენტოს რაიონული განყოფილების უფროსის სახელზე);

Ø      მშობლის (მეურვის) პირადობის მოწმობა და ბავშვის დაბადების მოწმობა, ასლებთან ერთად;

Ø      სამედიცინო დაწესებულების მიერ გაცემული სამედიცინო - სოციალური ექსპერტიზის  შემოწმების აქტის ამონაწერი.

 პენსიის ოდენობა: 70 ლარი